Kaffibarþjónafélag Íslands heldur einvígi í mjólkurlist núna laugardaginn 20.mars milli klukkan 14.00-17.00.
Einvígi í Mjólkurlist, virkar þannig í stuttu máli að tveir "kaffibarþjónar" koma sér fyrir sitthvoru megin við kaffivélina. Skjóta espresso og flóa mjólk. Næst hella þeir af bestu list og getu í bollann og reyna að gera flottasta munstur sem þeir geta. Nokkrir úr sal eru svo fengnir til að velja hvort mynstrið er fallegra og kemst þá vinningshafinn áfram í næsta riðil. Þannig gengur þetta koll af kolli þar til einn stendur eftir sem sigurvegari.
Þetta er opið öllum og þarf maður ekki að vera að vinna við að laga kaffi, ef þú heldur að þú eigir séns komdu og taktu þátt.
500.kr skráningargjald það þýðir 500 á hvern sem keppir, frítt er inn í húsið og auðvitað mega allir fylgjast með.
Á sama tíma verður PopUp hönnunar markaður í húsinu svo engum ætti að leiðast.