Nú um helgina 14.-15. febrúar keppa bestu kaffibarþjónar landsins um titlana Íslandsmeistari kaffibarþjóna 2009 og Mjólkurlist 2009. Kaffibarþjónafélag Íslands skipuleggur keppnina en hún fer að þessu sinni fram í Kringlunni, á torginu við Blómaval. Keppnin hefst laugardaginn 14. febrúar klukkan 10.00. Úrslit verða á sunnudeginum auk keppninnar í Mjólkurlist og hefst dagskráin kl 11.00
Te & Kaffi er með átta keppendur á þessu móti og hafa verið stífar æfingar undanfarnar vikur. Sigurvegarar þessa móts munu keppa fyrir Íslands hönd á Heimsmeistaramóti kaffibarþjóna í Atlanta í Bandaríkjunum 16.-19.apríl næstkomandi.
Við hvetjum alla áhugamenn um gott kaffi um að mæta og fylgjast með handbragði sérfræðinganna.