Tabi yrki frá Huila í Kólumbíu. Fjölþrepa anaeróbísk gerjun sem skilar hindberjum, blóðappelsínu og hunangi með bjartri sýru og langri sætri ávaxtalyktun.

Natural unnið kaffi frá Rwenzori-fjöllum í Úganda. Nyasaland, SL14 og SL28 yrki sem skila dökku súkkulaði, jarðhnetum og karamellu með mjúkri og jafnvægri áferð.

Red Bourbon frá Huila í Kólumbíu. Natural vinnsla með stýrðri anaeróbískri gerjun sem skilar kakói, dökku súkkulaði og hunangssætleika í kremkenndum og jafnvægum bolla.

Toraja Kalossi frá Sulawesi í Indónesíu. Wet-hulled vinnsla skilar fyllingarmiklum og kremkenndum bolla með greipaldini, rósaberjum og léttum jurtakeim.

Red Bourbon frá Nyamasheke í Rúanda. Anaeróbísk gerjun sem skilar safaríkum rauðum berjum, steinávöxtum og blómlegum tónum með kremkenndri áferð og hreinni sýru. 87.75 SCA.

Espresso 101 er sú blanda sem við notum á kaffihúsunum okkar og hefur reynst einstaklega vel bæði sem espresso og sem grunnur að helstu mjólkurdrykkjum eins og cappuccino og latte. Hún er þróuð til að vera aðgengileg, stöðug og auðveld í notkun. Blandan skilar fyllingu og mýkt í bolla, með klassískum bragðtónum af dökku súkkulaði, ristuðum hnetum og mildri karamellusætu. Sýran er lág og mjúk, sem gefur espressóinu þægilega uppbyggingu og hreint og langt eftirbragð.

Þetta kaffi kemur frá Flor del Rosario býlinu í Alta Verapaz í Gvatemala, þar sem Horst Spitzke hefur byggt upp eina áhugaverðustu kaffiframleiðslu svæðisins. Upphaflega ætlaði hann að rækta nautgripi á landinu, en bratt landslagið leiddi hann inn á aðra braut – kaffirækt, sem hann hefur helgað sig síðan 1988 með mikilli nákvæmni og ástríðu.